جو اچھی بات ہو،جس کی بات قرآن و حدیث کے مطابق ہو،امام بخاری کی ہو یا امام ابو حنیفہ کی ہو،آپ کی بات ہو یا میری بات،اﷲ نے ارشاد فرمایا کہ:

اس سلسلے میں تین چیزیں ہیں۔پہلی یہ کہ ہماری ان بزرگوں سے کوئی ملاقات یا صحبت رہی ہو چاہے وہ ۵۶۵ھ میں وفات پانے والے عبدالقادر جیلانی ہوں،چاہے ۴۹۱ھ میں مرنے والے علی ہجویری یا کوئی اور۔پھر تو ہم یہ کہہ سکتے ہیں کہ بھائی! ان لوگوں کے ساتھ ہمارا اٹھنا بیٹھنا رہا ہے،ہمارے شب و روز ،ان کے ساتھ گزرے ہیں،یہ ہماری دانست کے مطابق خالص اﷲ والے اور سچے مسلمان تھے،یہ لوگ ایسی باتیں نہیں کہہ سکتے،یہ ان کی کتابیں نہیں ہیں۔
دوسری چیز خود ’’خبر‘‘ ہے جو کتابوں کی شکل میں آئی ہے۔اس خبر کو سب نے مانا ہے۔جیسا کہ ’’کشف المحجوب ‘ ‘ ہے۔سب یہی کہتے ہیں کہ یہ کتاب علی ہجویری عرف داتا گنج بخش صاحب کی ہے۔وہ بڑے اﷲ والے تھے،انہوں نے بڑی توحید بیان کی ہے۔ یا انفاس العارفین ہے،ساری دنیا جانتی اور مانتی ہے کہ یہ شاہ ولی اﷲ صاحب کی کتاب ہے اور سب کہتے ہیں کہ انہوں نے اپنی اس کتاب میں بہت اچھی اچھی باتیں لکھی ہیں۔یا احمد بن حنبل کا اپنا خط ہے۔اسے خبر کہتے ہیں۔ان کتابوں کے شاہد نہ ہم ہیں اور نہ آج کی دنیا والے۔جب ان کتابوں کی شکل میں خبر آئی تو ساری دنیا نے تصدیق کی کہ ہاں! یہ فلاں بزرگ کی کتاب ہے ،یہ فلاں بزرگ کی کتاب اور یہ فلاں امام کا خط ہے۔اور اسی خبر کی بنیا د پر کہا گیا کہ یہ بڑے بزرگ ہیں،ولی اﷲ ہیں،امام ہیں۔چنانچہ انہوں نے جو کچھ لکھا ہے اس کو مانا گیا ہے یہاں تک کہ اس پر عقیدے بنائے گئے ہیں۔چاہے و ہ کتاب و سنت کے خلاف ہی کیوں نہ ہوں۔
تیسری چیز استنباط ہوتی ہے۔ہم نے کہا بالکل ٹھیک ہے یہ واقعی انہی کی کتابیں ہیں لیکن جس طرح تم نے ان کتابوں سے استنباط کیا اور کہا کہ یہ اولیاء اﷲ ہیں،اسی طرح ہم نے بھی ان کتابوں کو قرآن و حدیث کی کسوٹی پر پرکھ کر کہا کہ یہ سب قرآن و حدیث کے خلاف لکھنے والے اور غلط لوگ تھے۔
اب ان میں سے کسی بھی امام یا ولی کی کتاب ہو،چاہے اس کو مرے ہوئے چھ سو برس کا عرصہ گزر چکا ہو،نو سو برس ہو گئے ہوں یا گیارہ سور برس گزر گئے ہوں،ساری دنیا اب تک مانتی چلی آئی ہے کہ یہ کتابیں بلا شک و شبہ انہی بزرگوں کی ہیں۔لیکن جب انہی کتابوں میں لکھے گئے مضامین کی بنیاد پر ان بزرگوں پر انگلی اٹھائی جاتی ہے تو کہتے ہیں کہ یہ ان کی کتابیں نہیں ہیں۔کیا ستم ظریفی ہے یہ؟ چلیے یہ ان کی کتابیں نہ سہی۔تم ذرا وہ کتابیں تو لے آؤ جو ان کی اپنی ہوں اور ان میں خالص قرآن و حدیث کے مطابق باتیں لکھی گئی ہوں،جن کی بنیاد پر انہیں تم ولی اﷲ کہتے ہو،تو چپ ہو جاتے ہیں۔حقیقت میں دین حق کا راستہ روکنے والے یہی لوگ ہیں۔

سورۃ سبا (۲۲)میں مالک کا فرمان کہ:

سورۃ النحل (۲۰)میں مالک کا فرمان ہے کہ:

سورۃ الاحقاف (آیت۲۷) میں فرمایا کہ:

ان میں تمام انبیاء علیھم السلام شامل ہیں،تمام فرشتے شامل ہیں،تمام جن شامل ہیں،تمام صدیقین،شہداء اور صالحین شامل ہیں،سارے امام اور امام زادے شامل ہیں،قبروں میں مدفوں ساری ہستیاں شامل ہیں،امت مسلمہ کے سارے پیروں اور مولویوں کے ساتھ ساتھ دیگر تمام قوموں کے سارے راہب،پوپ،پنڈت ،پادری،یا ان کے علاوہ جن جن کو لوگ اﷲ کے سوا پکارتے ہیں سب کے سب شامل ہیں۔اور اس کے علاوہ سورۃ توبہ (آیت۸۰)عبداﷲ بن ابی کی مثال؛ سورۃ التحریم(آیت۱۰) میں نوحں،لوطں اور آسیہ( فرعون کی بیوی)کی مثالیں ہیں، سورۃ توبہ (آیت۱۱۴)میں ابراہیم علیہ السلام کی مثال۔

بالکل جھوٹ اور صریح بہتان ہے جو اﷲ کے پہلے نبی آ دم علیہ السلام پر باندھا گیا ہے۔یہ ایک بالکل جھوٹی اور من گھڑت روایت ہے۔اسے اہل سنت والے تو بیان کرتے ہی ہیں دیو بندیوں کی (جو اپنے آپ کو موحد کہتے ہیں) ایک شاخ تبلیغی جماعت کے بانی زکریا صاحب نے بھی اپنی کتاب تبلیغی نصاب میں (جس کا موجودہ نام فضائل اعمال ہے) تحریر کیا ہے۔اس موضوع روایت میں یہ ہے کہ:

بتایئے اس سے بڑا جھوٹ اور کیا ہو گا۔مالک تو قرآن میں جگہ جگہ پوری انسانیت کو خطاب کر کے کہتا ہے کہ اے لوگو: یہ زمین و آسمان تمہارے لیے بچھائے گئے ہیں ،یہ سورج چاند اور ستارے تمہارے لیے مسخر کیے گئے ہیں،پھل اناج اور سارے میوہ جات تمہارے لیے پیدا کیے گئے ہیں تاکہ تم انہیں استعمال کرو اور پھر اپنے رب کا شکریہ ادا کرو اور خالص اسی کی بندگی کرو۔جیساکہ سورۃ الذاریات(آیت۵۶) میں فرمایا:

معلوم ہوا کہ اﷲ تعالیٰ نے تمام مخلوقات کو اس لیے پیدا کیا ہے کہ اس کی بندگی کی جائے۔خود نبی صلی اللہ علیہ وسلم کو اﷲ نے اپنی بندگی کرنے اور کرانے کے لیے بھیجاتھا۔دوسرا جھوٹ اسی روایت میں یہ ہے کہ آدم علیہ السلام سے غلطی ہو گئی تو ان کے پاس توبہ اور معافی کے لیے الفاظ نہیں تھے۔حالانکہ انہوں نے اپنے رب سے چند کلمات سیکھے اور پھر توبہ کی جیساکہ سورۃ البقرہ (آیت۲۳) میں فرمایا:

اور وہ کلمات بھی مالک نے سورۃ الاعراف (آیت۲۳)میں بیان فرما دیئے:

صاف پتہ چل گیا کہ یہ موضوع حدیث قرآن سے سرا سر متصادم ہے اور بیان کرنے کے قابل بھی نہیں ہے۔ لیکن زکریا صاحب نے اس حدیث کو نہ صرف اپنی کتاب میں تحریر کیا ہے بلکہ اس پر عقیدہ بناتے ہوئے یہ بھی کہا ہے کہ اگر نبی کے وسیلہ سے دعا مانگی جائے تو وہ قبول ہوتی ہے۔اب جس جماعت کی بنیاد ہی کفرو شرک پر ہے تو آگے اس کا کیا حال ہو گا یہ آپ خود سمجھ سکتے ہیں۔

پہلی بات جو آپ نے دیو بندیوں کے بارے میں پوچھا ہے تو ان کا معاملہ یہ ہے کہ حسام الحرمین نامی ایک کتاب احمد رضا خان بریلوی نے دیو بندیوں کے خلاف لکھی اور مختلف علما سے تائیدی فتوے لیے۔اسی میں اس نے یہ کہا کہ دیکھیے یہ دیوبندی نہیں مانتے کہ اﷲ کے نبی قبر میں زندہ ہیں اور ان کی یہ زندگی دنیاوی زندگی ہے برزخی نہیں،جو سب کو حاصل ہے۔اس کے جواب میں خلیل احمد صاحب اور اس زمانے کے سبھی بڑوں نے چاہے وہ کفایت اﷲ ہوں یا محمود الحسن سب نے مل کر اپنے عقائد واضح کیے کہ یہ غلط کہتا ہے کہ ہم اﷲ کے نبی کو قبر میں زندہ نہیں مانتے۔۔۔ ہم صرف یہی نہیں کہ نبی صلی اللہ علیہ وسلم کو قبر میں زندہ مانتے ہیں بلکہ یہ بھی مانتے ہیں کہ آپ کی یہ زندگی برزخی نہیں دنیاوی ہے۔ پھر احمد رضا خان کی اس بات کے مقابلے میں کہ یہ قبر نبوی کی تحقیر کرتے ہیں،انہوں نے واضح کیا کہ یہ بھی غلط بات ہم سے منسوب کی گئی ہے۔ ہمارا عقیدہ تو یہ ہے کہ اﷲ کے نبی صلی اللہ علیہ وسلم کے جسم مبارک سے جو زمین مس کر رہی ہے وہ خانہ کعبہ بلکہ اس سے بڑھ کر عرش و کرسی سے بھی زیادہ افضل ہے ۔ یہ عقیدہ بنایا انہوں نے۔ تیسرا عقیدہ انہوں نے یہ بنایا جس میں اس بات کی تردید کی کہ ہم اولیاء اور انبیاء کے وسیلے کے قائل نہیں ہیں اور کہا کہ ہم اولیاء اور انبیاء کی قبروں سے استفادہ کے بھی قائل ہیں۔ پھر انہوں نے یہ عقیدہ بنایا کہ ہم بالکل اس بات کو مانتے ہیں کہ نبی صلی اللہ علیہ وسلم پر امت کے اعمال پیش ہوتے ہیں اور درود سلام پہنچائے جاتے ہیں۔اسی طرح بزرگوں کی قبروں سے فیض پہنچنے کا اعتراف کیا اور دوسرے عقائد بنائے۔جو قرآن و حدیث کے خلاف اور بریلویوں کے عقائد کے مطابق ہیں۔جن کو تفصیل کے ساتھ ان کے عقائد کی کتاب ’المھند علی المفند‘مؤ لفہ خلیل احمد سہارنپوری، میں دیکھا جا سکتا ہے۔ یہی حال دیوبند کی ایک شاخ تبلیغی جماعت کا ہے۔بلکہ یہ ان سے بھی آگے بڑھ گئے ہیں۔ ان کے مطابق اﷲ کے نبی صلی اللہ علیہ وسلم اپنی قبر میں زندہ ہی نہیں بلکہ جہاں چاہیں پہنچ جاتے ہیں۔قبر کی زندگی کا یہ واقعہ بیان کیا ہے اس جماعت کے سربراہ زکریا صاحب نے کہ احمد رفاعی صاحب نے (جو صوفی اور اتحادی تھے) ۵۵۵ھ میں قبر نبوی پر پہنچ کر شعر کہے کہ:

تونبی صلی اللہ علیہ وسلم کا ہاتھ باہر نکلا اور انہوں نے بوسہ دیا۔شیخ الحدیث زکریا صاحب نے لکھا کہ یہ منظر نوے ہزار آدمیوں نے دیکھا۔دوسرا واقعہ لکھتے ہیں کہ ایک نوجوان اپنی ماں کو لے کر حج کے لیے گیا۔وہاں اس کی ماں مر گئی،اس کا چہرہ سیاہ ہو گیا اور پیٹ پھول گیا۔تب اس نے دعا کی تو دیکھا کہ تہامہ (حجاز) کی طرف سے ایک بادل آیا۔اس سے ایک آدمی ظاہر ہوا۔اس نے اپنا ہاتھ اس کی ماں کے چہرے پر پھیرا تو وہ روشن ہو گیا اور پھر پیٹ پر ہاتھ پھیرا تو وہ برابر ہو گیا۔تب اس نوجوان کے پوچھنے پر انہوں نے بتایا کہ میں تمہارا نبی محمد ہوں اور پھر اس کو وصیت کی۔یہ اور اسی طرح کے کتنے واقعات ہیں جن سے زکریا صاحب کی کتب بھری پڑی ہیں۔دیکھئے فضائل حج،فضائل درود،فضائل صدقات ۔ان واقعات کی روشنی میں آپ خود اندازہ لگائیں کہ ان میں اور بریلویوں میں کیا فرق رہ گیا ہے اور پھر ان کے پیچھے نماز پڑھنے کا کیا جواز رہ جاتا ہے۔ اﷲتعالیٰ سورۃ النساء (۱۰۳) میں فرماتا ہے کہ:

 

جس کا ایمان درست نہیں وہ مومن نہیں اور ایسے لوگوں پر مالک نے کچھ بھی فرض نہیں کیا۔ایسے لوگوں کے متعلق قرآن میں فرما دیا گیا ہے کہ یہ عبادتیں کر کر کے تھکے ہوئے ہوں گے جہنم میں ڈال دیئے جائیں گے۔ ان کے اعمال روئی کے گالوں کی طرح اڑا دئیے جائیں گے۔ اور ابوداؤد کی حدیث میں نبی صلی اللہ علیہ وسلم کا فرمان ہے کہ ایسے لوگوں کے نماز، روزے، حج، زکوۃ، خیرات سب کچھ منہ پر ما ردیا جائے گا۔

یہی عقیدہ تو پروردگار فرماتا ہے کہ ابو جہل اور سارے مشرکین عرب کا تھا۔قرآن بیان کرتا ہے

کہ یہ ظالم اﷲ کے علاوہ دوسروں کی بندگی کرتے ،ان کی پکاریں لگاتے اور ان کے نام کی نذرونیاز کرتے ہیں،حالانکہ وہ نہ تو ان کو کوئی نقصان پہنچا سکتے ہیں اور نہ نفع ہی دے سکتے ہیں چنانچہ اگر کوئی ٹوکے کہ اﷲ کو چھوڑ کر کس کی عبادت میں لگے ہوئے ہو تو فوراً کہتے ہیں کہ نہیں،ہم ان کو اﷲ تو نہیں مانتے لیکن ھوء لاء شفعاؤنا عنداﷲ، ان کا بڑا اثر ہے،بہت پیارے ہیں یہ اﷲ کے،محبوب سبحانی ہیں،یہ اﷲ کے ہاں ہمارے سفارشی ہیں مالک فرماتا ہے:قل اتنبؤ ن اﷲ بما لا یعلم فی السموت ولا فی الارض میں نے آسمان بنائے،زمین بنائی اور میں ہر چیز کا جاننے والا ہوں،اب تم نے مجھے کمزور اور معذور سمجھ کر میرے ایسے ایجنٹ اور شریک کار بنا لیے ہیں جن سے میں بھی بے خبر ہوں اور تم مجھے بتاتے ہو کہ ان کے بغیر تمہاری بات مجھ تک نہیں پہنچ سکتی۔فرمایا: سبحنہ وتعلی عما یشرکون کہ میں تمہارے اس شرک سے پاک ہوں۔اسی طرح سورۃ الزمر (آیت۳)میں اﷲ تعالیٰ اس دور کے مشرکوں کا حال بیان کرتا ہے :

تو ہمیشہ سے یہی ہوتا آیا ہے اور آج بھی یہی ہو رہا ہے کہ اﷲ کو براہ راست نہیں بلکہ اس کی کسی مخلوق کے واسطے اور وسیلے سے پکارو۔یہ نہیں ہوتا کہ اﷲ کو اس کی رحمت کا واسطہ دے کر پکارا جائے کہ پروردگار تو خطاؤں کو معاف کرنے والا ہے،اپنی رحمت سے نواز دے۔اس کی بجائے اﷲ کے کسی بندے کو لایا جاتا ہے یہاں تک کہ اﷲ کے رسول کے صدقے اور ان کے واسطے سے دعائیں مانگی جاتی ہیں،پھر یہ سلسلہ ان کے نام نہاد اولیا ء تک آتا ہے۔بتایئے کس قدر ظلم ہے اﷲ کے آخری نبی پر کہ جنہوں نے زندگی بھر شرک کے خلاف جنگ کی ہے،ان کو اس طرح اﷲ کے ساتھ شریک ٹھہرایا جائے۔اب اگر آج کے کلمہ گو ،نمازیں پڑھنے والے امام اور مقتدی بھی وہی کچھ کہتے اور کرتے ہیں جو قرآن کے بیان کے مطابق چودہ سو برس پہلے مشرکین عرب کہتے تھے تو پھر آپ خود ہی فیصلہ کیجیے کہ اس کو کیا کہا جائے۔اﷲ نے تو فرما دیا کہ میں پاک ہوں تمہارے اس شرک سے۔